أقلك إيه دلوقت يا مصر
لعبو عليا صحاب القصر
أقلك إيه دلوقت يا مصر
أقلك كلو بعقلي
حلاوة
ولعبوا بيا ، وكلام جمييييل سمعوني
وبعدين ،،على قفايا ضربوني
أقلك ايه دلوقت يا مصر
كدبو عليا ولاد الايه
وقالولي انتي هتبقى البيه
صوتك خلاص اتسمع
وكلمتك ليها الصدع
اقلك ايه دلوقت يامصر
كلوني لحم ورمني عضم
ولما لملمت عضمي
كسرولي العضم
اقلك ايه دلوقت يا مصرر
أقلك انو الحكاية خلصت قبل البداية
اقلك اني قتلت الراس
ومكنتش عارف انهم بسبعة مش راس
قالولي اني خلاص كسبت وانو الثورة نجحت
عايز ايه مادي المخلوع خد مؤبد
جتكم خيبة هو فاضل فعمروا حاجة
وهيقضيها في العيادة
وانا لسا بردوا بنام علأرض
وولاده ياعيني خدم برائة
أصل الحكاية ، انو احنا غلابة
لا وحياتك دحنا خيابة
ضحكو علينا وقالولنا نظام
واحنا طلعنا نظام فغابة
لا والله حتى الغابة !!
تعرف فيها الغزلان من
الديابة
لكن عندنا يخطب
خطبة طويلة
ويحسسك إنك فالسما
وبعدين يوقعك من السما للعما
أقلك إيه دلوقت يا مصر
خمسة وتمانين مليون أحنا
ولسا مش عارفين نطلع من المحنة
أقلك إيه دلوقت يا مصر
ولا أقول مش قايل حاجة
آديني راجع للتحرير ،
آديني راجع للتحرير ،
والمرادي !!
يبقى يشيلوني بالدبابة
.~
كل عام وأنتم بخير
ردحذفوانت بخير .!
حذف